Шерингүл Йунус 1989- йили 12- айда қомул шәһәрлик палвантур йеза дөрбәҗин йоқири мәһәллә кәнтидә деһқан аилисидә дунйаға кәлгән. Башланғуч вә толуқсизни қомулда тамамлап, 2006- йили бейҗиң чаңпиң 2- оттура мәктипиниң шинҗаң толуқ оттура синипиға өткән. 2010- Йили әла нәтиҗә билән шәрқи шимал орманчилиқ иниститотиниң бағвәнчилик факолтитиға қобул қилинип, 2014- йили 7- айда оқуш пүттүрүп қомулға қайтип кәлгән.
Шерингүл ата-анисиниң йахши тәрбийәси вә оқутқучиси турсунҗан исһақниң тәсиридә, кичикидинла хәттатлиққа вә рәсим сизишқа алаһидә иштийақ бағлиған болуп, 2003-йили тәтил мәзгилидә устази әсәт муһәммәтниң йетәкчиликидә хәттатлиқниң дәсләпки асасини тиклигән. Қомулда оқуватқан мәзгилидә бир қанчә парчә һөсинхәт әсири аптуном район, вилайәтлик мусабиқиләрдә йахши нәтиҗиләргә еришкән, толуқ оттуриға чиққандин кейинму хәттатлиққа болған қизиқиши қилчә суслап қалмиған. 2013- Йилидин башлап, ентирнит торида бир қисим йаш хәттатлар билән пикир алмаштуруп, өзиниң хәттатлиққа болған билимини техиму чоңқурлаштурған. Хәт мәшиқини күчәйтип, нурғун йахши әсәрләрни ишләп чиққан. 2014- Йили 3- айда униң бир қисим һөсинхәт әсәрлири тунҗи қетим байқаш үндидар салони хәттатлар мәхсус сәһиписидә елан қилинип, кәң тордашларниң шундақла хәттат устазларниң йоқири баһасиға еришкән. Шерингүл һазир арам күнлиридин пайдилинип хәттатлиқ курси ечип, хәттатлиққа қизиқидиған балиларға йетәкчилик қилип кәлмәктә.
Уйғур хәттатлиқ әсәрлири (2)
