Нийаз Керим Шәрқий 1948- йили 10-айда турпан шәһиридә туғулған. Шинҗаң унверситетини пүттүргән. Һазир җуңго хәттатлар җәмиийитиниң һәйәт әзаси һәмдә җуңго хәттатлар җәмийити тәһрирлик, нәшр қилиш комитетиниң һәйити . Җуңго тарих мозийи гүзәл сәнәт галирийисиниң мәслиһәтчиси, аптонум райунлуқ хәлқ һөкүмити тарих мәдәнийәт йуртиниң тәтқиқатчиси, аптоном райунлуқ әдәбийат-сәнәтчиләр бирләшмисиниң һәйити, аптоном районлуқ чәтәлләр билән достлуқ орнитиш җәмийитиниң һәйәт әзаси, аптонум районлуқ хәттатлар җәмийитиниң даимий ишлар муавин рәиси, шинҗаң йипәк йоли хәттатлар, рәссамлар академийисиниң муавин мудири, дөләтлик 1-дәриҗилик гүзәл сәнәт устази.
Уйғур хәттатлқида йитәкчилик ролини давамлиқ җари қилдуруп келиватқан пәхирлик устаз Нийаз Керим Шәрқигә 2015-йили шивитсйә хан җәмәти тәрипидин пәхрий докторлуқ унвани берилди һәм ордин тәқдим қилинди.
Нийаз Керим Шәрқиниң әсәрлири көп қетим мәмликәтлик вә хәлқаралиқ көргәзмиләргә қатнаштурулған вә 1985-, 1989-, 1998-, 2005-, 2008- йиллири өзиниң шәхсий хәттатлиқ көргәзмилирини уйуштурған. Америка, қазақистан, пакистан, түркийиләргә берип хәттатлиқ көргәзмиси ачқан. Әсәрлири йәнә тунис, корийә, йапонийә, тәйвән, шийаңгаң, авмен қатарлиқ дөләт вә районларда көргәзмә қилинған. Шинҗаң телевизийә истансида 20 қисимлиқ хәттатлиқ телевизийә лексийиси сөзлигән. Мәркизий милләтләр унверситити, шинҗаң унверситити, шинҗаң пидагокика унверситити вә шинҗаң сәнәт иниститутлирида хәттатлиқ ликсийилирини сөзлигән вә дәрс өткән. Уйғур, қазақ, қирғиз йезиқлириниң пүтүн һоқуқлуқ вәкили болуп, йиңи мәтбуат һәрплирини лайиһиләш, баһалап бекитиш ишлириға қатнашқан вә компйутер һәрплирини лайиһиләш, толуқлаш ишлири билән шуғулланған, 1976-йили «һөсихәт нусхилири», 1989- йили «Уйғур хәттатлиқ әсәрлиридин талланма», 2002-йили «Уйғур хәттатлиқи қолланмиси» Қатарлиқ китабларни вә һәр хил хәттатлиқ дәрслик китаблири, хәттатлиқ ләвһәлирини нәшр қилдурған. Мәмликәтлик мәтбәә һәрплирини лайиһиләштә 1- дәриҗилик мукапатқа еришкән. Җуңго хәттатлар җәмийитиниң «әхлақ вә кәсиптә тәң йетилгән хәттат» дегән шәрәплик намға, аптоном районлуқ хәлқ һөкүмитиниң биринчи қетимлиқ «тәңритағ әдәбийат-сәнәт» мукапатиға вә «шинҗаң буйичә илғар мутәхәсис» дегән шәрәп намлири билән мукапатланған.
Уйғур хәттатлиқ әсәрлири (1)
Нийаз Керим Шәрқи әсәрлиридин талланмилар
