Даңлиқ рәссам Ғази Әмәт әпәнди 1935-йили қәшқәр шәһриниң қоған (һазирқи нәзәрбағ) йизисида дини зат аилисидә дунйаға кәлгән. Атиси әхмәт қазиахунум уқумушлуқ адән болғачқа Ғази Әмәтни әтраплиқ тәрбийлигән, 1946-йилидин 1950-йилғичә дини билим алған. Кичикидин рәсим сизишқа, рәссамлиққа һәвәс қилип кәлгән Ғази Әмәт балилиқ вақитлиридила рәсим сизип башқиларниң махтишиға сазавәр болған. Ғази Әмәт 1952-йили қәшқәр сифән мәктәпкә кирип оқуш пурситигә еришип шу мәктәпкә киргәндин кийин өз талантини намайән қилип рәссамлиқ саһәсигә чуңқур ул салған. У 1954-шинҗаң сәнәт иниститотиниң рәсим факолтитиға қобул қилинған вә у йәрдиму тиришип рәсим иҗадийитигә көп әҗир сиңдүрүп, пүтүн вуҗуди билән мәшиқ қилған, оқуш пүттүргәндин кийин шу мәктәптә ишлигән.
Ғази Әмәт җуңгу рәссамлар җәмийитиниң даими һәйәт әзаси, шинҗаң Уйғур аптунум райунлуқ рәссамлар җәмийитиниң муавин рәиси, сәнәт иниститотиниң мудири, пирафисор, шинҗаң әдәбийат сәнәтчиләр бирләшмисиниң муавин рәиси, дөләт дәриҗилик атақлиқ рәссам. 1954-Йили шинҗаң хәлқ нәширийати тәрипидин «Ғази Әмәт рәсимләр топлими» дигән китаби нәшир қилинған. Рәссам Ғази Әмәт әпәндиниң «җинайи һөкүм» намлиқ иҗадийити җуңгу рәсим сарийидә сақлиниватиду. 1982-Йили парижда көргәзмигә қойулған «Мәһмуд Қәшқәри» намлиқ әсири бейҗиң милләтләр мәдәнийәт сарийида сақлиниватиду.
