Shéringül Yunus 1989- yili 12- ayda qomul sheherlik palwantur yéza dörbejin yoqiri mehelle kentide déhqan ailiside dunyagha kelgen. Bashlanghuch we toluqsizni qomulda tamamlap, 2006- yili béyjing changping 2- ottura mektipining shinjang toluq ottura sinipigha ötken. 2010- Yili ela netije bilen sherqi shimal ormanchiliq inistitotining baghwenchilik fakoltitigha qobul qilinip, 2014- yili 7- ayda oqush püttürüp qomulgha qaytip kelgen.
Shéringül ata-anisining yaxshi terbiyesi we oqutquchisi tursunjan ishaqning tesiride, kichikidinla xettatliqqa we resim sizishqa alahide ishtiyaq baghlighan bolup, 2003-yili tetil mezgilide ustazi eset muhemmetning yétekchilikide xettatliqning deslepki asasini tikligen. Qomulda oquwatqan mezgilide bir qanche parche hösinxet esiri aptunom rayon, wilayetlik musabiqilerde yaxshi netijilerge érishken, toluq otturigha chiqqandin kéyinmu xettatliqqa bolghan qiziqishi qilche suslap qalmighan. 2013- Yilidin bashlap, éntirnit torida bir qisim yash xettatlar bilen pikir almashturup, özining xettatliqqa bolghan bilimini téximu chongqurlashturghan. Xet meshiqini kücheytip, nurghun yaxshi eserlerni ishlep chiqqan. 2014- Yili 3- ayda uning bir qisim hösinxet eserliri tunji qétim bayqash ündidar saloni xettatlar mexsus sehipiside élan qilinip, keng tordashlarning shundaqla xettat ustazlarning yoqiri bahasigha érishken. Shéringül hazir aram künliridin paydilinip xettatliq kursi échip, xettatliqqa qiziqidighan balilargha yétekchilik qilip kelmekte.
Uyghur xettatliq eserliri (2)
