Niyaz Kérim Sherqiy 1948- yili 10-ayda turpan shehiride tughulghan. Shinjang unwérsitétini püttürgen. Hazir junggo xettatlar jemiiyitining heyet ezasi hemde junggo xettatlar jemiyiti tehrirlik, neshr qilish komitétining heyiti . Junggo tarix moziyi güzel senet galiriyisining meslihetchisi, aptonum rayunluq xelq hökümiti tarix medeniyet yurtining tetqiqatchisi, aptonom rayunluq edebiyat-senetchiler birleshmisining heyiti, aptonom rayonluq cheteller bilen dostluq ornitish jemiyitining heyet ezasi, aptonum rayonluq xettatlar jemiyitining daimiy ishlar muawin reisi, shinjang yipek yoli xettatlar, ressamlar akadémiyisining muawin mudiri, döletlik 1-derijilik güzel senet ustazi.
Uyghur xettatlqida yitekchilik rolini dawamliq jari qildurup kéliwatqan pexirlik ustaz Niyaz Kérim Sherqige 2015-yili shiwitsye xan jemeti teripidin pexriy doktorluq unwani bérildi hem ordin teqdim qilindi.
Niyaz Kérim Sherqining eserliri köp qétim memliketlik we xelqaraliq körgezmilerge qatnashturulghan we 1985-, 1989-, 1998-, 2005-, 2008- yilliri özining shexsiy xettatliq körgezmilirini uyushturghan. Amérika, qazaqistan, pakistan, türkiyilerge bérip xettatliq körgezmisi achqan. Eserliri yene tunis, koriye, yaponiye, teywen, shiyanggang, awmén qatarliq dölet we rayonlarda körgezme qilinghan. Shinjang téléwiziye istansida 20 qisimliq xettatliq téléwiziye léksiyisi sözligen. Merkiziy milletler unwérsititi, shinjang unwérsititi, shinjang pidagokika unwérsititi we shinjang senet inistitutlirida xettatliq liksiyilirini sözligen we ders ötken. Uyghur, qazaq, qirghiz yéziqlirining pütün hoquqluq wekili bolup, yingi metbuat herplirini layihilesh, bahalap békitish ishlirigha qatnashqan we kompyutér herplirini layihilesh, toluqlash ishliri bilen shughullanghan, 1976-yili «hösixet nusxiliri», 1989- yili «Uyghur xettatliq eserliridin tallanma», 2002-yili «Uyghur xettatliqi qollanmisi» Qatarliq kitablarni we her xil xettatliq derslik kitabliri, xettatliq lewhelirini neshr qildurghan. Memliketlik metbee herplirini layihileshte 1- derijilik mukapatqa érishken. Junggo xettatlar jemiyitining «exlaq we kesipte teng yétilgen xettat» dégen shereplik namgha, aptonom rayonluq xelq hökümitining birinchi qétimliq «tengritagh edebiyat-senet» mukapatigha we «shinjang buyiche ilghar mutexesis» dégen sherep namliri bilen mukapatlanghan.
Uyghur xettatliq eserliri (1)
Niyaz Kérim Sherqi eserliridin tallanmilar
