Abduqadir Jalalidin 1964-yili qeshqerde tughulghan. 1982-Yili 9-aydin 1986-yili 7-ayghiche qeshqer pidagogika inistitutida oqughan. 1986-yili 7-aydin 1988-yili 9-ayghiche shinjang tejribe ottura mektipide oqutquchi bolghan. 1988-yili 10-aydin 1990-yili 7-ayghiche shinjang maarip inistituti ilmiy tetqiqat ornida ilmiy zhurnal muherrirlikini üstige alghan. 1990-yili 8-aydin 2009-yili 11- ayghiche shinjang maarip inistitutining filologiye shöbe inistitutida oqutquchiliq qilghan. 1993-Yili 1-ayda léktorluq unwanigha érishken. 1998-Yili 11-ayda muawin piroffisorluq unwanigha érishken. 2004-Yili 11-ayda proffisorluq unwanigha érishken. 2005-Yili 7-ayda shinjang maarip inistituti filologiye shöbe inistitutining penniy sahediki bashlamchisi bolup bahalanghan. 2009-Yili 11-ayda shinjang pidagogika uniwérsititigha yötkilip kilip, aspirant yitekchisi bolghan.
Abduqadir Jalalidin nurghunlighan shéir, maqale, terjime eserlerni yézip neshir qildurghan bolup, köpinchisi uyghurlar taliship oquydighan eserlerge aylanghan. Bir qisim eserliri dangliq awaz artisliri teripidin awazliq eserge aylandurulghan. Abduqadir Jalalidin ijadiy eserlerdin bashqa yene dangliq yazghuchi nikkolo makyawillining «Hökümdarlar desturi» Namliq esirini xitay tilidin Uyghur tiligha terjime qilghan bolup, mezkur kitabmu eng bazarliq kitablar qataridin orun alghan. Abduqadir Jalalidin meyli uqu-oqutush ishlirida bolsun, meyli eser yézishta bolsun, nahayiti jan köydürüp ishligen bolghachqa, köp qétim munasiwetlik orunlar teripidin mukapatlanghan.
«Hökümdarlar desturi» Namliq kitab Uyghur karxanichilar arisida nahayiti qizghin alqishqa érishken. Karxanichilar meblegh chiqirip Abduqadir Jalalidin ependini qeshqer, xoten, korla, kucha qatarliq sheher we rayonlarda igilik tiklesh we aile terbiyesi heqqide lékisiye sözlep bérishke teklip qilghan. Abduqadir Jalalidin ependining lékisiyesini anglashqa kélidighanlar her kesip her sahedin bar bulup, yazghuchining tesir dairisi kéngiyishke bashlighan.
Ijadiy we terjime eserliri
2010-Yili 10-ayda shinjang xelq neshriyati teripidin neshirdin chiqqan «Abduqadir Jalalidin maqaliliri toplimi» namliq maqaliler toplimi;
2005-Yili 3-ayda shinjang xelq neshriyati teripidin neshirdin chiqqan «Özini izdesh busughisida Namliq maqaliler toplimi»,
1995-Yili qeshqer Uyghur neshriyati teripidin neshirdin chiqqan «eqil - paraset miwisi we sheytan» namliq maqaliler toplimi,
1993-Yili shinjang yash - ösmürler neshriyati teripidin neshirdin chiqqan «soquwatqan yürek» namliq shéirlar toplimi,
2001-Yili xelq neshriyati teripidin neshirdin chiqqan «boshluq» namliq shéirlar toplimi qatarliqlar bar.
Uyghur Kütüpxanisidiki Abduqadir Jalalidin eserliri toplimi:
- Mewjutluq teshnaliqi
- Özini izdesh bosughisida
- Ölüm rezil emes
- Parasetlik hayat
- Zoro astér shundaq deydu
- Hökümdarlar desturi
- Haywanlar qoruqi
- Ghayiwi dölet
- Edebiyat nezeriyesi
- Adem bolmaq eqil bilen
- Köygen déngiz
Érishken mukapatlar
1998-Yili ürümchi sheherlik edebiyat - senetchiler birleshmisi teripidin «» yazghuchi dégen sherepke érishken.
1998-Yili shinjang maarip inistituti teripidin «ilghar shexs» bolup bahalanghan. 1999-Yili xenzu edebiyati fakultitidiki ilmiy maqale bahalashta 1-derijige érishken.
2000-Yili aptonom rayonimizdiki munewwer kespiy téxnik xadim bolup bahalanghan.2000-Yili maarip inistitutining «üch maarip» xizmitidiki ilghar shexs bolup bahalanghan.
2001-Yili maarip inistitutidiki munewwer oqutquchi bolup bahalanghan. 2001-Yili aptonom rayon boyiche munewwer oqutquchi bolup bahalanghan.
2002-Yili ürümchide ütküzülgen memliketlik 12-nöwetlik naxsha toplash paaliyitide yazghan tékisti 2-derijilik mukapatqa érishken.
2003-Yili aptonom rayonluq xelq hökümiti tarqatqan aliy mektep oqutush netije mukapatining 3-derijilik mukapatigha érishken.
2004-Yili shinjang xantengri edebiyat mukapatigha érishken.
2005-Yili aptonom rayon boyiche ilghar xizmetchi bolup bahalanghan.
2006-Yili aptonom rayon boyiche munewwer kespiy téxnik xadim bolup bahalanghan.
