Dangliq ressam Ghazi Emet ependi 1935-yili qeshqer shehrining qoghan (hazirqi nezerbagh) yizisida dini zat ailiside dunyagha kelgen. Atisi exmet qaziaxunum uqumushluq aden bolghachqa Ghazi Emetni etrapliq terbiyligen, 1946-yilidin 1950-yilghiche dini bilim alghan. Kichikidin resim sizishqa, ressamliqqa hewes qilip kelgen Ghazi Emet baliliq waqitliridila resim sizip bashqilarning maxtishigha sazawer bolghan. Ghazi Emet 1952-yili qeshqer sifen mektepke kirip oqush pursitige ériship shu mektepke kirgendin kiyin öz talantini namayen qilip ressamliq sahesige chungqur ul salghan. U 1954-shinjang senet inistitotining resim fakoltitigha qobul qilinghan we u yerdimu tiriship resim ijadiyitige köp ejir singdürüp, pütün wujudi bilen meshiq qilghan, oqush püttürgendin kiyin shu mektepte ishligen.
Ghazi Emet junggu ressamlar jemiyitining daimi heyet ezasi, shinjang Uyghur aptunum rayunluq ressamlar jemiyitining muawin reisi, senet inistitotining mudiri, pirafisor, shinjang edebiyat senetchiler birleshmisining muawin reisi, dölet derijilik ataqliq ressam. 1954-Yili shinjang xelq neshiriyati teripidin «Ghazi Emet resimler toplimi» digen kitabi neshir qilinghan. Ressam Ghazi Emet ependining «jinayi höküm» namliq ijadiyiti junggu resim sariyide saqliniwatidu. 1982-Yili parizhda körgezmige qoyulghan «Mehmud Qeshqeri» namliq esiri béyjing milletler medeniyet sariyida saqliniwatidu.
